وهج ومعشوق

أنا أستغرب بصراحة هذا الإندفاع الغريب وكأن هذه الحالة لأول مرة تحدث

ياجماعة المسئلة طبيعية جدا بالنسبة لوزارة التعليم.. وشفيكم أنتم

الأسئلة هذي يعتبرونها أسهل أسئلة بالعالم.. تدورن ليش..

لأنهم يطابقون أسئلتهم العلمية والأكادمية مع أسئلة الدول الخارجية المتقدمة علميا ً

بس على قول المثل الزين مايكمل حلاه

هم نسوا شيء..

نسوا إن طلابهم ذو عقلانيات محدودة.. المواهب مكبوتة.. الفهم ضعيف وأسوأ أيضا ً إلا من شاء الله..

يحسبون طلابهم مثل طلاب جامعة أكس فورد ولا كامبردج ولا دبنهام..

مادروا أنهم يلعبون بلوت قبل النوم ويرتب دروسه إذا صحى من النوم.. واذا جت الأسئلة قال الأسئلة خارج المنهج..

ياخي عطني سؤال موب فالمنهج بس علشان أقدر أحتج انا فيه..

موب كل سنة عادت حليمة لعادتها القديمة.. مثل من كثر ماسمعه كرهته والله..

اختي وهج تتكلم عن المستويات الطلابية والتفاوت العلمي بينهم أنا معك في ذلك وهم ماقصروا حطوا هالشي

لكن المسئلة ماهيب مسئلة أكادميون ولا غيره...

أو أن جامعاتنا أسوأ جامعات العالم.. بالعكس من أفضل جامعات العالم المملكة لكن الخطا الكبير

عندنا وفينا عدم أستغلال المواهب حتى لو نسبته 100 % ماحد يعطيه وجه بكرة يتخرج ويرسب فالنظر

أو مادري أيش ويحول قسم تربية رياضيه..

الدول المتقدمه في أخر المراحل الدراسية قبل الجامعه أو شي تستغل المواهب وتبحث عنهم

تحفر الأرض علشان تطلع موهوب على الأقل يكتشف لهم أكتشاف يدخل لهم مليارات

والشيء الثاني وهذا نسبي ايضا أن طلاب الجامعات الحكومية دخولهم مو شرط على النسبة

لا يسئلونه عن ميوله ويتخبرونه فيه شافوه ممتاز قالوا حياك.. شافوا من جنبها زحلقوه مع اقرب باب..

أرجوكم لاترتفعون ترتفعون ثم تنزلون..

أنتم تكلمتم عن موضوع وفتحتوا معه ستين موضوع..

أنا أستغرب حرقة الدم والسنة هذي أخر سنة لوازرة التربية والتعليم في كتابة الأسئلة..


بأختصار تعليم المملكة ماشين على طريقة الصعود الى المنحدر..

وشكرا