س/- كلنا كنا نحلم نكون اي شي طيّار أو دكتور أو مهندس او مطرب <== مافيه عتب على احلام الاطفال
فايش كنتوا تحلموا تكونوا بالمستقبل لما كنتوا بهذا العمر
والحين ايش دراستكم او وظيفتكم
×كنت أحلم بأن أكون طياراً أو طبيباً فأصبحت صيدلانياً والان أحضر الدراسات العيا للصيدله مع انني حصلت على دراسات خاصه في علم النفس والفلسفه أشهرها دراسة البرمجه العصبية اللغوية والعلاج عن طريق خط الزمن الوتنويم الايحائي.. لكن لم أتوقف بعد بل إن لي إتجاهات أخرى وسوف أحققها بعون الله مادامت الحياة لي مستمره لم تتوقف.
س/كنا نشوف اللي اكبر منا بعين الطفل او الطفلة.. ونقول عن ابو اربعين سنة هذا شايب وعن اللي عمرها خمسين سنة عجوز بقوة
الحين اي سن تسمّون فيه الرجال شايب والمرأة عجوز
×ههههههههههههههههههههه يوم كنا صغار كنا نسمي مثل ماقلتي ويوم كبرنا صرنا نسميهم مراهقين صراحه
هههههههههههههههههههههههههه جدي عمره75 سنه بس مراهق للاخر وش اسميه يعني شايب...
امحق شايب والله يثيبه ويحميه ,,, علمني ان الحياه بسط وضحك وترف..
بس الله يحفظهم لنا ويخليهم هم ثمرة المجتمع وحلاوته ولولاهم الحياه مالها طعم..
س/- باي لون كنت تشوف الحياة وانت بهذا العمر ... ابيض ناصع والا وردي والا احمر نابض بالطاقة والحياة والا كانت طفولتك فيها مشحة من السواد؟
وباي لون تشوف الحياة الحين؟
×صراحة كنت اشوفها بجيمع الالوان حتى الان لم تتغير الوانها وستبقىآ ثابته, لكن هنالك فرق بين الصغر والكبر
فأكثر ماكنت أراها بالصغر باللون الأصفر وهذا اللون يدل على جو اللعب والإبداع والتعلم والبهجه والجو المضحك
والتفاؤل والشعور بالدفء والكرم.
أما الان أكثر ما أراها الأحمر والبرتقالي... فالاحمر يدل علىآ, الحماسه والنشاط والحركه والحيويه والمنفاسه
والشجاعه والاراده.. وكذلك غالباً ماتكون لي بالبرتقالي فهو يدل علىآ, الإبتهاج والمتعه والاثاره والايجابيه
والانتاج والعقلية التجارية.
س/- بهذا العمر كان فيه منا طفل شقي جدا ...وفيه طفلة عنيدة...فيه طفل مسالم وفيه طفل مشاكس...فيه طفل مجتهد وفيه كان منا طفل كسول
انتوا اي طفل كنتوا بهذا العمر؟
والحين ايش انتوا بالمقارنة مع ايش كنتوا؟
×انا لما كنت ايام طفولتي وحسب الروايات من الوالدين الله يحفظهم كنت امتلك عدة شخصيات أبرزها الهدوء والتسامح
ولاتخلى حياتي من المشاكسه والمغامرات فبحكم البيئه التي كنت أعيشها ومازلت أترعرع فيها إلا أنها أكسبتني
الكثير من المفاهيم الارتجاليه منذو كنت فالصغر فقد كنت أعيش بقرية جميع من فيها أخوتي وأبناء عمومتي
ليس بيننا غريب وكلن يعرف البير وغطاه على قولهم, وكنت أتّسم بالاجتهاد. فقد كنت امارس حياتي على جدول معيّن
بمتابعه دقيقة من الوالدين فكل وقت له حقه..
اما الان عندما كبرت وأوشكت أن أعرف مفاهيم الحياة بخطوطها الدقيقة والعريضة صار يجب علي أن اتنازل عن
شخصيات وأبني عليها شخصية اضافيه تعكس الماضي الجميل بحاضر مثمر ...
س/5- واحنا صغار بهذا العمر مافيه احد ما كان له عادة والا طبع سيء ويمكن اطباع
ايش كان حسب شهادة اهلك الحين اسوا طبع فيك
والسؤال الحين لسا فيك هالطبع؟
× اسوأ طبع وانا اعتبره بالعكس لي احسن طبع على شهادة أهلي لي بأن اللي في جيبي ماهوب لي
يعني مثلا الماده او الفلوس اللي احصلها فاليوم تتبعثر من يدي بسهوله لكن ليست في صالحي انما في صالح غيري
وانا اعتبره كرم مني والحمدلله لازلت متمسك على هالعاده الي بعض الاحيان توهقني مع نفسي ومع الناس..
س/- بهذا العمر تقريبا كان كل واحد فينا له لعبة مفضلة ايش كانت لعبتكم المفضلة
والسؤال
الحين ممكن تلعبوها لو قدرتوا يعني مع اولاد كم او اولاد الجيران او لحالكم بدون محد يشوفكم
× اممممممممممممم كانت لعبة الكوره اعتقد انها احلى شي ايام الطفوله فقد كنا نتأثر بافلام كرون
كابتن ماجد وكابتن رابح والتسديدات اللي يسددونها ويطلع معها نار وصقر ومادري ايش
صراحه كنا خبول مصدقين السالفه وكل ليل ونهار وحنا ورى الكوره ارفع لرجلك لين توصل راسك من خلف ظهرك
علشان تسدد مثلها يوم اشوف إلا انا جاي على وجهي خشمي منجرح ولا منكسر.... يالله ايام راحت ماحلاها
ههههههههههههههههههههههههههههههههه
انا ماجالي اولاد لحد الحين ولا تزوجت اصلا واللعبه هذي قاطعتها قبل سبع سنوات تقريبا في المرحلة الثانويه
تقريبا اخر مرحلة...
س/7- بهذا السن اكيد كل واحد فينا محتفظ بكم موقف كذا مهو قادر ينساهم يعني ضربة كف لطشة مطوى تهزيئة لسا محفورة بعقله وقلبه
ما بسالكم عنها
بس السؤال الحين انتوا سويتوا بغيركم اطفالكم مثلا او اطفال غير شي من اللي انتوا نفسكم محتفظين بذكرى سيئة عنه
× بالعكس كل اللي صار معي اعتبره شي ايجابي بالنسبة لي لاني صراحة تعلمت من كل شي حصل معي
وكنت استحقه لكن انا لايمكن اقلب الصورة السلبيه لغيري بحيث انه يتأثر مثلي تماماً ويتخذ موقف سلبي تجاهي
ولا يوجد بصدري سوى هبوب واوراق وذكريات صامته فقدت اللسان ولن تنطق مدى الحياه وسوف اظل متحفظاً بها
س/-طيب الحين السؤال كل واحد فينا تعور على راي اخواننا المصريين يعني انفتح راسه والا خشمه والا جرح يده والا عينه ويمكن في منا عنده عاهات من ورا اللعب والشقا وة واكيد كاطفال خفنا كثير من منظر الدم او من ابرة اضطرينا ناخذها او من مستشفى اضطرينا ننام فيها
السؤال الحين هل هذا الخوف لسا ماثر عليك بشكل تعقدت من الابر مثلا او من المستشفيات او تدوخ لما تشوف مثلا الدم او لما تشوف دكتور الاسنان ؟
× بقولك شي اانا لما اقول قصة حياتي راح اخليك تحسين انك تتابعين فلم هندي للان مافكروا فيه يعني محد سواه
ولا يخفى عليك تأثرت ايام طفولتي بسبب الشقى واللعب وغيره لكن الحمدلله لم تغير من خلق الله شي كلها اصابات
طفيفه عدت على خير والخوف صراحه ماعرفه من صغري فالبيئه لها تأثير كبير فيني انتزعت الخوف من قلبي
س/9- اكيد كل واحد فينا مسوي مصيبة والا بلوة خاصة بتفكيره فيها كطفل واكيد لوقت طويل جدا جدا ما اعترفنا فيها لاهالينا او لاي شخص
السؤال اذكر لنا مصيبة او مصيبتين سويتهم واعترفت فيهم بوقت متاخر او لسا ما اعترفت فيهم ؟
لحظه خليني اشرب كلاس ماي اسئلتك نشفت ريقي بصراحه ههههههههههههههههههه
×اممممممممم استرجع الذاكره.. كثير مصايب علىآ راسي هههههههههههه.. لكن
بس لاتقولين حق احد يعرتف بمصيبتين مره انا وعيال عمي سرقنا سيارة جدي وهو جدنا كلنا
المهم قبل الفجر وكنا طالعين نتصيد بالليل حمام وجرابيع ومادري ايش فاضين والسواق انا كبير القوم زعيمهم
وربك يامر ونسوي حادث على السياره فالبر من السرعه تقول انا في درايفر بلايستيشن والسبب لقينا ثعلب او حصني
حسب اللهجه البدويه فالبر وهذاني أطارده بالسياره,, يعني هو سريع وانا سريع جداً والنتيجه عكسيه
انا اللي رحت فيها وهو نجىآ من كفرات السياره...... لاتضحيكن
وباقي اشياء مصايب غير كذا واكبر من كذا لازالة في مخازن البنوك الدوليه ضايعه مفاتيحها
بس والله برئ برئ برئ ورب الكون برئ هههههههههههههههههههههههههههههههههههههههههههه
س/10- نيجي لاخر سؤال
كل واحد بسن 10 كان له واحد من اللي حواليه هو قدوته او مثله الاعلى
يمكن ابوه يمكن اخوه يمكن لاعب كرة قدم يمكن مغني يمكن اي احد
السؤال مين هالشخص او الاشخاص
وهل هذا الشخص او الاشخاص اللي كانوا مثلك الاعلى بقيوا كذا للحين والا اختلفت نظرتك لهم
×نعم انا كنت في مرحلة الصغر اعيش وسط غلاف محكم الاغلاق وكنت متأثر بشخصية والدي الله يحفظه
فقد كان قدوة وعلم من معلم قبيلتي حسب ما أرى له من مكانه وهيبه وهيمنه قويه وحسب ما أرى انه المستشار
الخاص وانه المفاعل الاساسي لهم وانه يؤخذ بكلمته لا بغيره وكثير الكثير مما يمتلك من شخصية قياديه وأخوية
وعندما كبرت تأثرت بها كثيراً إلا انني غيرت من منهجيتي قليلاً حتى أستيطع أن أتوصل لبعض الأمور
التي أطمح لها وتركت التأثير الكامل للاخ اللي اصغر مني الله يصلحه ويهديه فهو مطابق تماماً لوالدي[/color]
,.,.,
في نهاية هذا الملتقى وهذا البرنامج الشيّق والمثير أتوجه بالشكر الجزيل للاخت الفاضلة عطر وزهر
على تبنيها هذا البرنامج الرائع والاكثر من رائع واتمنى أن اكون ضيفا خفيفاً على قلبها وان لا أكون مزعجاً بكثرة
إجاباتي فمثل هذه الامور تتوجب الصراحة المطلقه بعيداً عن التصنع والاثارة والفلسفه فقد استخدمت معها لغة الشارع
بمثل مايقولون او اللغه العامية اللي امارسها جزئيا في كثير من احياني
تقبلي تقديري
دمتي بخير
ارجعوابذكرياتكم لعشر سنين ورااااا ... لا يفوووووتكم ..... 
