هذا مواقف صايره لاشخاص معينين يتكلمون عن انفسهم

انا صار لي موقف محرج جدا جدا جدا قبل فتره بسيطه



كنت رايح بيت واحد من الشباب وجالسين بالملحق وقام خويي يجيب الشاهي والقهوة - جزاه الله خير

-



المهم يوم راح دخلت انا الحمام اكرمكم الله وجت امه وتنادي تحسبني ولدها الصغير تقول يزيد يزيد وانا ساكت منحرج مره والله



يزيد عارفه انك بالحمام شايفه ثوبك بالملحق يززززززيد تتتن يالسمرمدي افتح الباب
وانا سااكت من الاحراج مدري وش اسوي



عاد الله يجزاها خير جت تفتح باب الحمام وتفتحه وتهزه بقوه عاد انا يالله اتكلم معرق ورايح وطي واقول
خاله انا موب يزيد



عاد ماسمعت الا صوتها وهي تقول يااااااااااخزيااااااه وتركض هههههههههههههههههههههههههههههه والله موقف لا احسد عليه




...............





هذا موقف لو انه صاير لي كان مدري وش اسوي بعمري

احسها من جددددد فشيله

هذا خويي يقول كنا قاعدين عند واحد بالمجلس وخوينا ذا عنده سنترال

المهم وحنا نسولف وضحك ووناسه

الا زوجته مسكينه ماتدري ان فيه احد عند زوجها تحسبه لحاله بالمجلس وصارت تتكلم بالسنترال وكلنا نسمع صووتها واضح وعالي عاد الرجال اسمه خالد

خلووووووووودي حبيبي خلووووووووودي حياااااااااااااااتي تعااااال عندي فوق تعاال حبيبي

الرجال انللللللخم مرررره مدري وش يسوي يبي يسكت السنترال ماسكت لين سحبه مع شوشته ( فصل السلك )

وطلع فوق عند زوجتها ونسمعه ياهوشها هواش مسيكينه يوم نزل لنا ولا وجهه منقل 180 درجه

صار كل واحد يدور له تصريفه عشان يطلع من عنده




.......................


عايلتنا الله يسلمك فيها كبار بالسن كثييييير الله يحفظهم لنا
ومره كان اخو جدتى (خال ابوي) جاي يوم العيد يسلم ومعه ولده الكبير عمره تقريبا 26ودخلت جدتى تسلم وبعدين نادت على عماتى يسلمون على خالهم وماكان فيه احد من البنات الا انا وكنت بسلم معهم..
دق التلفون وانشغلت ارد عليه وياليتنى مارديت ورحت اسلم معهم ..
بعد ماقفلت الخط لقيتهم رجعو مسلمين وعمتى الكبيره تقول : بسرعه روحي سلمى قبل لايطلع
وانا اللى اركض على المجلس وادخل واسلم على خال ابوى واحب راسه واسلم على ولده واحب راسه بعد
(((( و ش اسوى مااحد قالى ))))
سلمت وطلعت وانا مستغربه ماشاء الله ابوى له خال صغير؟؟؟؟
ولما سالتى عماتى ماتو من الضحك على وجدتى ماقصرت بتعليقاتها وصرت نكته العيد
وبعدها حرمت اروح اسلم على اي احد لحالى ...

بس ودى اعرف وش قال عنى ؟؟؟ اكيد قال مهبوله هههههههههههههههههههههههههههههههها

..........................


أنا مره صار لي موقف مع الحريم
في يوم العيد رحت بسلم على عمة أبوي
انا بالعادة اروح مع ابوي بس هالمره ابوي كان مسافر
وقلت يا ولد خلاص رح لحالك الشكوى لله
المهم واروح واسلم على الشباب واتقهوى
واقول لواحد من العيال ياليت تشوف لي طريق ودي اسلم على العمه
المهم شوي وقالي تفضل
يوم دخلت الا مليانه الصاله حريم ومتغطين
والعمه قاعدة على الطرف (انا هنا جتني لخمه ووقفت اناظر لأن عندنا مو متعودين على كذا)
بعد ما ستوعب والعمه هلا والله بولدي محمد هلا وغلا
وانا كني بنت في الشوفه الشرعية صرت امشي شوي شوي
واسلم على العمه وعايد عليها
الا شوي العمه تقول هذا محمد ولد عبدالعزيز
يدرس كذا وموظف في كذا
والحريم يرددون
ماشاء الله تبارك الله والله وكبرت يا محمد
واللي تقول هذا ولد عبدالعزيز <*****<*****ليه صقها الاخت ما تسمعينها تو تقوله
وكل شوي وحده تقول كلام
وانا شوي وبصيح وربي
انواع الاحراج
يوم طلعت بغيت احط حرتي في اللي دخلني
بس تعوذت من بليس وطلعت من غير حتى ما امر على الشباب
لأني لو مريت عليهم كفخت اللي دخلني



......................................



أصعب موقف زمان مسافر بالطياره وانا بروحي(قبل العرس طبعا ) والكرسي اللي جنبي فاضي ..

وأنا مقعديني بمرتبة ورا بآخر الطياره ..عشان أكوي الجحش كل مابغيت

المهم وقت الرحله بالليل كالعاده يطفون النور ويشغلون السهاري (وتبدا المصارحات )

المهم جا واحد طلب مني ولاعه ..ورجع ورا يدخن ..بعدين جا ورجعها ..أنا قلت له إسترح يالشيخ خلنا نسولف ..جلس وقعدنا نسولف حبيب وطيوب ومحترم ..أنا فليت السبحه كلها وما بقى الأ أعلمه وش إسم أمي ..بس ما سأل

وحنا نسولف تجي ذيك الوحده ..الموت ..القطعه ..الجرح ..اللي ودك تحط صورتها قدامك وتقعد تصيح من زينها .. ودك بس تثبت بكتوفها عصا مكنسه وتلف عليها شطرطون وتمزمز عليها مثل الحلاوه ..وقفوني ترى أن درت مرتي لعنت خيري (صوووووت بريك )

المهم كل شوي تجي وتروح ..تطالع فينا كلنا وتروح ..أنا قلت مابدهاش

قلت له شفت هذي وش عندها تجي وتروح هذي وراها سالفه ..قال يارجال ماعليك منها ..قلت يابوي هذي ياترقمها انت يا ارقمها أنا ..قال يابن الحلال وش جاك أنت خلاص أمسك الأرض ..
هذي حرمتي
وأكيد تباطتني عشان ماجيت ..وتونا عرسان ورايحين شهر العسل ..

الأكيد أنها أطول رحله في عمري ..كلها حاطن راسي بالدرج اللي قدامي من الفشيله

.................

مره كنا في زواج المهم يوم جينانمشي طلعت انا وولد خالي نسولف في السياره وجت حرمه كنها بتركب قلت بس هذي خالتي عاد انا اذا الحريم لبسوا عبايات والله معرف امي من جارتنا خخخخ
قلت انزل سلم وينزل يسلم عليها بحراره عمته ماشافها له شهور
ويروح على اني بودي اهلي للبيت المهم وانا انزل القزاز قلت اركبي بسرعه
طلعت مهيب خالتي ولا عمته تنشد عن ولدها مضيعته وانا اقزز واكر امها ضحك بس هاك
اليوم ماجا ركب ولا تبقيس خخخخخخ
...............................


انا مره عند جدتي نايمه
واجي ادخل دوره المياه وانتم بكرامه ابستحم
وانا البس توني في اخر شي الا والباب ينفتح علي بقوووووووه
واناظر الا واشوف ولد خالتي جاي حسران واقرب بيت بيت جدتي دخل مدرعم
وقسم بالله بغيت اصفر واطيح
المهم ان الولد ماعاد سمعت الا صكت باب الشارع
وانا قاعدتن في الحمام ماقدرت اطلع من الروعه والفشيله


............................

هذا موقف حصل لي في السوق . فيه محل كل ماشوفه لازم ادخله وافتش في البلايز والجاكيتات ومع الاسف كلها مقاس صفر صغيرررره............
وتعجبني اغراضه بس مافيه مقاسي..... وجاء ذاك اليوم ورحت لــ هيبر بنده
ومريت المحل ودخلت كالعاده افتشه واشوف جاكيت يااااخذ العقل ونفس مقاسي والقطه من الفرحه( ابي اتاكد من القياس دخلت يدي في الكم (الكوم) وجاااني الهندي الي يشتغل في المحل طاااير وياخذه مني ويطالعني.. وهو معصب قال هذا جاكيت مال أنا (جاكيته ) وععععععع قست عقبه <***** وطاح وجهي ذوقي مثل ذوقه


...........................

انا فتحت على صديق اخوي بحمام الملحق
احسبه الشغاله قاعده ادور عليها ولا ترد علي ومن الضيقه الا جايه بسرعه وفتحته طبعا لا فيه مفتاح ولا شيءالا الولد طاح من طوله كان منتهي الله يكرمكم انا دوروني غشيت من الضحك ما قدرت امشي خطوه وحده وبعد هذا قام اخوي حط فيه مفتاح

عقبها اذا بغى الحمام يدخل البيت جوا قسم الرجال علشان ياخذ راحته

................................

هذا الموقف صار لى مع زوج عمتى وكنت انا قبل لااتغطى متعلقه فيه بزياده ودايم سوالف معه ولعب ويمكن لى 9سنوات متغطيه عنه
و قبل سنتين دخلت على عمتى وزوجها بالمجلس وانا على باللى محد بالمجلس توقعته طلع لانه اذن المغرب وانا اللى ادخل طيران واطامر على الكنب واستهبل .. بس استغربت الهدوء ولفيت والاقى عمتى وزوجها بالمجلس
وزوج عمتى ميت ضحك وعمتى متفشله وتاشر لي بسرعه اطلعى <*****<هههههههههها
وبعدها على طول رحت مع امى بيت خوالى ولاشافت عمتى وجهى اسبوعين من الفشيله

اما اللى حبيت راسه بالموقف الاول قاهرنى .. لانه كان يتبسم ويسالنى عن اهلى ... اللحين كل عيد مستحيل اروح اسلم لحالى لازم مع كل الموجودين والا مااسلم ....

..............................



مره كنت جالس في مجلس عمتي في بيتها وكانت هي وعيالها في المجلس
طبعاً محد درى من البنات اني موجود عندهم
المهم كانوا عيال عمتي يسولفون مع بعض وانا جالس اقرا الجريدة
ما دريت الا يوم وقف صوتهم انا انتبة للي دخل وكانت بنت عمتي
اول ما شفتها خليت عيني في الجريدة وما رفعت راسي على بالي ما انتبهت
البنت المسكينة لسى ما انتبهت لي
على بالها اني عمها
وتجي تنزل القهوه معها وتأخذ فنجال وتصب قهوه والعالم اللي عندها مجيمين
ودها يعلمونها وعلى بالهم اني ما انتبهت وما ودهم اني انتبه
المهم يوم ارفعت الفنجال لي
وقالت عم تقهوى
الا يوم انتبهت اني ماني عمها
عاد اقل من ثانية والبنت فص وملح اختفت من المجلس

.......................

اخوي الكبير مره قال لي انتبه ترا سالم(اتحداكم تعرفوه؟؟)جاي انتبه لادق االجرس


قلت ابشر وانا اخوك المهم شوي والجرس يدق انا انا طبعا امووون على سالم وانا ماشي بالحوش والجرس

يدق

يدق

واخوكم بالله انوواع السب بصووت عالي

سالم ياثــور احرقت الجرس


شوي شوي على الجرس تراه بفلوووس


يوم فتحت البااب طلع اللي يدق مو سالم رجال مااعرفه وكبير بالعمر..

الرجال يطلع مبتسم وانا الله وكيلكم وجهي صاار علبت الوان.

.................


هذا موقف الله يسلمكم من أحرج وأغرب و أفشل ****يعني يفشل..المواقف اللي سمعتها

قبل عدة سنوات ولا يزال في الذاكره..

,حدث في يوم عيد الضحيه ---

هذي وحده متزوجه وساكنه مع حمولتها ... وفي البيت معهم ساكن أخو زوجها وهو

بنفس حجم زوجها... المهم كانوا في حوش البيت يذبحون الضحايا الزوج والأخ ...

والزوجه بجلالها تدهر من صباح الله خير (من زود الفزعه)وزوجها رايح جاي للمطبخ

كل ما خلصوا من ضحيه دخلها للمطبخ الخارجي عشان الحرمه تقطعها... المهم مره

دخل (أخو الزوج )باللحمه وكانت هي جوا البيت ... ويوم دخلت المطبخ ولا الرجال يحط

الصحن اللي فيه اللحم وكان معطيها ظهره (وهي تسوي له حركه -- مشفره

من الخلف -- الحرمه تحسبه زوجها !!) ليته كذا بس ..قالت له :- يخلي لي ها ال..!!

يوم التفت الرجال ولاه أخو زوجها ..--- يوم شافته داخت الحرمه !!وأصيبت

بصدمه قعدت شهر وهي ما تطلع من غرفتها ... واللي في البيت كلهم يحسبون فيها

عين ولا شي .. مايدرون بالسالفه لكن الزوج عرف وقعد يضحك عليها ...وكل ما

تذكر الموقف ضحك ...بس الحرمه تقول والله ماااقدر انسى هالموقف لين أموت

رغم أن الموقف هذا صار له تقريبا 15سنه بس كل ما جاء يوم عيد الضحيه تذكرته..


...................

وموقف ثاني في بيت جدتي كان عندهم غدا عمي اهو الي مغديهم وانا وبنت عمي جالسين في الصاله الداخليه الي بيحطون فيها الاكل وفجءه صمعت صوت عمي بيدخل الاكل جيت ابطلع الى بنت عمي تقولي وقفي اخوي في قلت الله ياخذك انتي وخوك لو انها ماوقفتي كان قدرت انحاش بدون مايشوفوني بس الحظ .. المهم انا خلاص مادري وش اسوي لين كان في الصاله قسم مفتوح فيه غرفتين وحمام (وانتو بكرامه) ابدخل في غرفه افتح الباب مقفل اروح للغرفه الثانيه مقفله اروح للحمام وانتو بكرامه مقفل اقول بنفسي وشوله اجل حاطين حمام.. انا لصقت بالجدار لما دخلو ماتنبهولي لكن لما طلعو عمي شافني حسيت اني ماسوى شي وبعدين ولد عمي يقلد ابوه بيلف مثله لما لف ويشوفني وطلع واهو يضحك
..........

هذا واحد يسولف لنا عن اللي صارت له السالفه.. <*****<*****<*****<*****<*****< موقف يموت ضحك بصراحه

يقول مره جايين من استراحه وطافين كلنا بنا النووم .. المهم نمنا ويأذن الفجر ويبدا يدور علينا ابونا يالله يالفلان قم صللللللللللللل

فلااانه صلللللي يالله .. يقول ابوي شدييييد من ناحية الصلاة.. المهم يقول وانا قمت أناظر الا توه ما أقام <== حركات كل شاب سعودي لطيف

المهم يقول انتبهت والا ما أسمع حس المسجد يصلي قلت شكلهم توه ما أقام.. وافتح الدريشه .. ياللهول

مخلصين من الصلاة

يقول انا استغفر الله ماكنت أخاف من ربي كثر خوفي من أبوي يهاوشني

المهم يقول مع الخوف والربكه نزلت تحت ابصلي واتخبى على بال ما تهدى الأمور ..

يقول نزلت لغرفه الوالده معروفه هالوقت تكون تصلي ولا تبي احد يزعجها بصلاتها وتعودنا على كذا وابوي على طول يرقى فوق ويهاوشنا ..

يقول على جيتي للغرفه الا ابوي داخل للصاله


يقول أنا من الربكه.. انسدحت وتغطيت بجلال أمي

يقول ابو الشباب (أبوه ) مادري وش متعشي مادري شايف فلم نمونة تايتانيك أحد لاعب عليه ومعطيه فياقرا بدال البنادول

يقول مادريت الا يجي حولي ويناديني هلا بااام فلان وينسدح عندي

ويخمني من ورا وشلونك يام فلان.. يام العز فديتك انا ويجلس يتغزل ساعة..

يقول تخيلوا موقفي.. واحد منحاش من أبوه لا يجلده وحاضني الحين وغلطان ..

يقول ابتسمت.. وكل ما تذكرت الابتسامه أنفجر ضحك يقول كل هذا فيني وابتسم هالابتسامه

المهم يقول انا طلعت صوت زي تنحنحت اني مو أمي ياولد الحلال وخر عني .. يقول وقف هو مستغرب

ووخر شوي يقول وانا قريب منه فتحت الجلال عن وجهي ويناظرني يقول انا من الروعه والهبله نقزت

يقول رجلينيواصله اذاني من زودالفركه وعلى طول للحمام الله يكرمكم يقول من الخوووف

صكيت الباب + قفلته قفلتين+ رافع ممسك الحمام لا يفتحه أحد غصب + مغمّض عيوني

يقول مادري ليه مغمض عيوني من الفشله ولا من الخوف ولا ماودي أتذكر الموقف

يقول قسم بالله العظيم أبوي له أكثر من شهرين مادري 3 شهور ماحط عينه بعيني وانا مالي وجه اكلمه أو حتى أناظره

خخخخخخخخخخخ هالخبل يقول للأسف صرت أصلي الفجر مع الظهر

جبتها عدل


هههههههههه
مشكور


اسير الشرق

ههههههههههههههههههههههههههه
ههههههههههههههههاهااااااااااااااااااااااااااا ااى
بجد روعه
تقبل مرورى

ههههههههههههههههههههههه
حلوة الصرااحه صج والله موااقف حرجه
تسلم يداك ع الطرح