فعلا هالطفل خلاني اخجل من رجولتي .. طفل سوا موقف محرج لكل ذو شوارب
هذا الطفل عمره 6 سنوات تقريبا وبالصف الاول ابتدائي .. هو ولد خالتي



خلوني اعلمكم القصه :-

البدايه:
استغليت الاجازه الاسبوعيه ونويت اروح لمكه اخذ عمره واصلي الجمعه بالحرم .. طبعا نمت عند خاله) لي هناك
وبيوم الجمعه وقبل ما جيت اسافر .. سلمت على خالتي وعيالها ناديت هالطفل وعطيته مبلغ بسيط وقلت له ان هالفلوس لفطور يوم السبت .. اخذها ووقف شوي وطالع فيني وسألني سؤال ..!!
الطفل/ ممكن تعطيني فلوس زياده عشان زياد ؟؟
انا / من زياد ؟؟
الطفل / زياد صاحبي في المدرسه
انا / وليه ؟؟ لا يكون متسلف منه بس ؟؟
قاطعتنا امه / لا انت ما تدري وش الموضوع اصلا .. كنا نعطي انس (( انس هو ولد خالتي )) 5 ريال لفطوره وبيوم صار يطلب 10 .. عطيناه في البدايه .. لكن صار يطلب كل يوم 10 كل يوم 10 ..
جاه ابوه وسأله .. وانت وش تسوي بال 10 ؟؟
قال له يابوي عشان زياد
ابوه / ومن زياد ذا ؟
انس/ زياد ذا صاحبي اليتيم
ابوه / اليتيم ؟
انس/ ايوا زياد ذا امه وابوه ماتو وما صار له احد
ابوه وهو مستغرب / طيب وش تسوي بال10 انت ؟
انس / يابابا حنا لما نجي نفطر اشوفه جالس لحاله وبدون فطور .. وانا اخذ ال5 الزياده عشانه عشان يقدر يشتري له فطور مثلنا ما يقعد جوعان ما عنده لا عصير ولا بطاطس
من بعدها صار الابو يعطيه عشره وصارت الام تسوي ساندوتشات بالبيت له ولزياد ..
وصار انس ومن عمره 6 سنوات (( كافل يتيم ))

هالموقف صدمني وبقوه بعد
الله يا هالطفل قد ايش قلبه كبير .. يطلب امه وابوه فلوس عشان ما يشوف غيره محروم .. طفل حس بقيمه اليتيم
الي للاسف نسيوه الكبار .
انا فكرت وشلون حنا اصحاب الرواتب والدخل ما سوينا مثله
5 ريال بدال ما تنحط بدخان ليه ما تنحط بيتيم ؟؟
الواحد منا يشحذ قيمه علبة المارلبورو ولا فكر مثل ما فكر هالطفل
ليه وصلنا لهالدرجه ... ونسينا اليتيم ؟؟
انا ما اقول رح اعطي الي يوقفون بالاشارات .. لكن اكيد انت او قريب لك يعرف يتيم .. تقدرون تساعدونه
حنا نروح نتبرع لايتام فلسطين ولبنان ونسينا ايتامنا الي فعلا لو ساعدناهم راح نفيدهم ونستفيد منهم باكر
هم من هالبلد ولها .. موب الي برا (( وفكر بالاجر اولا ))
ممكن البعض يفهمني غلط ويقول ذا ما يبينا نتبرع للناس الي برا
لا يخوي تبرع بس تذكر ان الاقربون اولى بالمعروف ويتيم بلدك اولى من غيره وفي الكل اجر .
زياد حاله ظهرت لي بالصدفة لأني ومثلي كثير ما بحثنا ورا زياد والي مثله ويا كثرهم
وش كثر الشخص يحزن لدمعة اليتيم ووش كثر يفرح لابتسامته حتى لو ان هالابتسامه ضايعه بضياع أهله

كل ما افكر بالي سواه ولد خالتي استحي .. ليه ما فكرت بيوم اسوي مثله ؟؟!!
وهل جمعيات رعاية الايتام فعلا ترعا اليتيم او ترعا الفلوس الي تجي له من الناس ؟؟
بعض النفوس تستحرق اليتيم وتستهزئ به وممكن توصل لضربه .!!

وصل في بعضنا الكبر والغطرسه انه يتكبر على يتيم الي وصى الرسول صلى الله عليه وسلم برعايته

بعض الاطفال مواقفه اكبر منهم .. من بعد هالموقف استحي اقول لشخص ما ان عقله عقل بزر .. لأن البزر سوا الي هالشخص ما سواه ولا فكر حتى تفكير بانه يسويه

قال الرسول صلى الله عليه وسلم (( انا وكافل اليتيم كهاتين في الجنة.. واشار لاصبعيه الوسطا والسبابه )) .
اظن وبعد هالحديث مافي كلام ينقال .. لكن فيه افعال بتصير


هذا الكلام منقول من اشخاص

وانا لم انزله الا للتعلم من دروس الحياه


من شخص حس بمعاناه شخص يتيم وهذا الشخص لم يتعداه عمره الست سنوات
لكن القلوب تحياه بالسنوات المبكره لدى الاطفال


اتمنى الاستفاده من هذا الطفل ونستخلص منه عظمه كفاله الايتام

انتظر تعليقكم بالموضوعتقبلوا تحياتي

قصة مؤثرة فعلا .

فعلا هالطفل اللي عمره ما تجاوز 6 سنوات يعلمـ درس !

سبحان الله .

وكيف الكبار واللي مثل ما قلت عندهمـ رواتب تناسوا حديث الرسول عليه الصلاة والسلامـ (أنا وكافل اليتيمـ كهاتين في الجنة) .

وربي قصة مؤثرة وفيها درس كبير والمخجل أنه الدرس هو طفل اللي علمه .


مشكووور معشوق .

الله يعطيك العافيه أخوي معشوق
كلام رائع وقصه أروع
وليبارك الله والدي هذا الطفل
لأني متأكده لولا زرع هؤلاء الأهل لبذرة الخير الطيبه في نفس أنس
لماجنيت هذه المشاعر
وياليت كل أهل يفعلون كما فعلوا
وكلامك أوتعليقك أخوي معشوق عن كفالة ايتام بلدنا كلام جميل وفي محله

ملاحظه:
توجد جمعية تعرف بأصدقاء الأيتام جمعية فعلاً فعاله وطيبه لمن اراد الخير وكفالة أو مصادقة يتيم كما يسمونها
فليبحث عن جوال هذه الجمعيه وله بإذن الله الأجر
وأنا على استعداد لإعطاء الرقم للراغبين بمصادقة ايتام فعلا

ولكم مني كل الود

فعلا هو درس يجعل الجميع خجلون ..

وشيء طيب ان تجد مثل هذا الطفل الان

خصوصا ان الانانيه تكثر غالبا في مثل تلك السن ...

يعطيك العافيه معشووق ...

تحيتي ..

عزيزي معشوووقـ :-
بصراحهـ اعجبت بها الطفل وفقه الله


يعني طفل يسوي كذا نادر ما نشووفهـ ونحن من نستلم رواتب ومكافأت لا نفعلها فسبحان الله

ولاننسى ان كافل الييتم والرسول بالجنه

مشكور اخوووي

مشكور اخي للقصه المعبره

دمت بخير

أنا لست مستغربة كثيرا من هذا الطفل
فهذه قلوب الأطفال
ترق لأبسط الأشياء
لكن
العتب على المدرسين اللي بالمدرسة
والمشرفين اللي يشرفون على الطلاب في كل فسحة
لكن سبحان الله
يضع حكمته في أضعف خلقه


*
*

عزيزي معشوق
لك
من
أديم السماء
كل الثناء

مشكور والله معشوق

الله يسعدو دا الطفل ويهني اهلو في يارب

يعني جد علي عقل ماشاء الله والكبار ياوب كل مين بيدور نفسو صاير دي الايام

الله يرحمنا برحمتو يارب ولا ينسينا واجبنا تجاه اخوانن الايتام وغيرهم

والله يديك العافيه يارب

سبحان الله
احيانا الاطفال يفعلو اشياء عظيمه

المفروض نكون احنا الكبار السباقون لها

والله يرحمنا برحمته ونتعلم من اللى اصغر منا

واشكرك اخى الكريم على قصتك المؤثره جدا

ارقي يا مشرفنا الكريم معشوق في كل اطروحاتك



رائعه بالفعل هذه الاقتطافة


لك مني كل تقدير

سبحآن اللــــه .. الإطفـاال يفكـرون آكبـر من تفكيـررنآ حتى مآينفـع نقـول عنهم آطفآل ..
هذا طآلع من حســن إلتـرربيـه .. آللـه يـكثـر من آمثــاالهم

شآآآآآآكر لك آلــــــف شكــــرر ع إلمـوووضوع

فعلا
لم يخجل منه الرجال فقط
بل يخجل منه حتى النساء
اللهم ارحمنا يارب
واجعلنا ممن ينفق بدون من
يارب

قصة رائعة
وطفل اروع ربي يوفقة

يعطيك العافية

دمت بخير .........

يعطيـك العـافيـة أخـوي معـشوق ع

المـوضـوع تسـلم يـدينـك,,,



تحيـاتـي لـك,,,,
كـويـتـيـة,,