السلام عليكم ورحمة الله وبركاته،،


لقد وصلت متسبيشي اوتلاندر الى بعض الدول العربية ومنهااا الامارات العربية المتحدة



طبعا السياره تم تجديدها بالكامل و هي الحين صارت فعلا افضل من اول

طبعا في السابق كانت تتوفر السياره بمحرك اساسي 2.4 لتر بس

اما الشكل الجديد مع هذا المحرك 2.4 لتر شي خيار اكبر و هو 6 سلندر 3.0 لتر

و المحركين بتقنية مفيك MIVEC

المحرك الاول و هو 2.4 لتر 4 سلندر يولد 185 حصان
اما المحرك اليديد 3.0 لتر V6 يولد 235 حصان
الفرق اعتقد باين 50 حصان تقريبا الفرق

في السياره ايضا زر للتحكم بالدفع الرباعي


الخيار الاول 2WD و هو العادي و فيه السياره تمشي بالدفع الامامي
اما 4WD فهو للاسعمال في الرمل و ها الوسالف
و الثالث هو LOCK او 4WD lock و هو يزيد عزم السياره اكثر ب 1.5 مره من العزم العادي
و هو مخصص للاماكن الصعبه و الخروج من التغريز

ايضا في السياره بريك مع نظام ABS و EBD
و ايضا فيها تركشن كونترول و نظام ASC و هو يمنع السياره من الخروج عن مسارها في الشوارع
الخرسانه.

ايضا في خيار للسياره و هو الجير الي يسمونه البعض جير فراري
الي موجود في لكزس IS300 و انفنتي G35 و بعض السيارات الثانيه
و هو خلف السكان و في ناس يحبون ها النوع من الجيور.

تتوفر السياره بنظام صوتي اختياري و هو من روكفورد و هو مكون من مشغل سي دي 6 دسكات
mp3 و راديو AM\FM و تزيع الصوت على 9 سماعات موزعه في السياره قوتها 650 واط
و ايضا ازرار التحكم موجوده عالسكان.

و في السياره ايضا نظام المفتاح يوم تقترب من السياره بمسافة 70 سم تفتح بروحها

فيي السياره شاشه صغيره بين عداد السرعه و الrpm
و هي شاشه تبين وايد معلومات للسياره منها كم يكفيك البترول و كم قطعت السياره و نظام تذكير السيرفس
و درجات الحراره و غيره من المعلومات

السياره تنزل بفئتين و بخيارين من المحركات

GLX و GLS
اما GLX فهو الخيار الاقل و يتوفر بالمحركين 2.4 لتر و 3.0 لتر
اما GLS و هو طراز القمه يعبر برنقات المنيوم و غيره من المواصفات و هو بس ينزل على 3.0 لتر

الداخليه بس تتوفر بللون البيج و ب3 انواع من الخام
جلد او مخمل او مخمل فيه فتحات ما ادري كيف

اما الجسم الخارجي 6 الوان بس اسود او ابيض لؤلؤي او ذهبي او فضي او رمادي و اللون الي في الصور ازرق تقريبا

هاي المعلومات الي حصلتهااا من خلال ابحاثي

وان شاء اي معلومة راح اكتبهاااا

السياره تشبه

السياره البي ام الجيب

من حيث الشكل

قوه العزم هو اهم شي سووا

ونظام التحكم بالعزم يعطي ميزه للسياره نفسها

مواصفات فخمه اعتبرها

لو هناك تطرق بالنظام الداخلي للسياره من حيث الشكل

على العموم معلومات قيمه وجهد كبير

تشكرين عليها

تقبلي مروري

حلوه نوعاً ما



ريم البحرين

يعطيك العافية يالغلاااااااااا

جهد تشكرين عليه بكل صراحة




تقبلي مروري يخليك ربي

مرحبا

جزيل الشكر لكم نور الموضوع بوجودكم