:
:

السـلام عليكم ..

مسـائكم بعطر من الورد ..

قصيده أعجبتني فأحببت أن أنقلهــا لكم ..

:

يا زين يوم إني أنا وانتي صغار
توما لبست شماغ وانتي عبايه

بالطول ما ناصل ولا خمسة أشبار
دايم نقيس أطوالنا بالمرايه

ما بيننا شين نخبيه واسرار
ما غير لعب أطفال كل الحكايه

ما همنا موجز ولا نشرة أخبار
التسليه صارت وسيله وغايه

وان جا فلم كرتون للقطو والفار
نجلس نتابع قصته للنهايه

بالمدرسه نزعل على شان الأصفار
انتي سبب لعبك وانا من غبايه

يا ما تهاوشنا على كيس فيشار
أنحاش به وافرح بطردك ورايه

وان قلتي يا راشد يا ويلك من النار
أخاف واستسلم وابين خطايه

والى ضربتيني تقل بيننا ثار
وان قلت كافي قلتي ما هو كفايه

والى خلصتي ضرب بيمين ويسار
أخذتي الفيشار واللي معايه

والى زعلت وقلت أبا أروح للدار
صحتي وقلتي آسفه يا غلايه

وأصدقك وافرح بعد ذيك الأعذار
وأجيك لا حاقد والا احمل وشايه

بس لو أشوفك مع بشر غيري أغار
لو كان أخوي أو من أعز اصدقايه

واركض لخوك أقول شفها مع اكبار
عشان يفرض لي عليك الوصايه

هذي طفولتنا براءه وتذكار
دايم نحن اليا ذكرنا البدايه

واليوم أبا اكتبها سواليف واشعار
وافكر انتجها بفلم و روايه

:
:
% ثغيرونهـ %

يا ما تهاوشنا على كيس فيشار
أنحاش به وافرح بطردك ورايه


رهييييييييييييبه والله

تسلمين ثغنونه حبيبه قلبي

تحيـــآتيـ

قصـ حـ~ــب ـيدة

أشكرك على مرورك الذي أنار صفحتي
وأسعدني مرورك العطر

قصيده روعه واحساس رائع من الشاعر يبين فيه

مدى روعة مرحلة الطفوله وبراءتها


الف شكر اختي صغيرونه على نقلك الرائع اعجبني كثيرا


لك تحياتي وتقديري الدائم


اخوك / مدمن تائب

وان جا فلم كرتون للقطو والفار
نجلس نتابع قصته للنهايه

الشعر مليء بالطرافه وبجمال الطفوله
الرائعه اللتي لا تنسى
صغيرونه انتي لا تخلي من
الابداع وجمال المشاعر
الصافيه كماشعر الطفل

تحياتي لك
وتقبلي مشاركتي

وان جا فلم كرتون للقطو والفار
نجلس نتابع قصته للنهايه
والله انك صادقه
هذا حالنا
البس والفار
ثغيرونه رائع دائما
ماتقدمين
تقبلي مروري

مدمن تائب
تسلم لي عالمرور الرائع ..
دوووم راقي تواجدك ..
لا عدمتك .......

علي بن محمد

ولتواجد مروركِ ..
فخر لي ..
دمت بخير .......

ريماس القحطاني

أشكرك على روعة التواجد ..
دمتي بخير .......