السلاااااااااام عليكم ورحمة الله وبركاتة
في موضوعنا هذا اتمنى ان كل واحد يكتب ماذا تعلم من دروس في حياته من خلال التجارب التي مر بها
ترا الحياة تجارب والانسان الجيد هو من يتعلم من تجاربه او تجارب غيره
قال رسول الله صلى الله عليه وسلم ((( لايلدغ المؤمن من جحر مرتين)))
الدرس الاول : صديقك ماتعرفه الا بالسفر!!!!!!!!!!
التجربة اللي مررت فيها من خلال سفره الى احد الدول العربية تفاجأت بالصديق اللي كنت اعتبره اعز انسان طلع انسان حقود بخيل جبان رغم ان السفره كان فيها اكثر من شخص لكن تفاجات بتصرفاته معنا جميعا
الدرس الثاني: لاتتزوج وحده تبيها انت بل ابحث من تريدك انت !!!!!!!!!!!
وهذي من خلال تجربة لاحد الزملاء وليست لي وحبيت انقلها لكم يمكن يقتنع فيها البعض ويمكن يرفضها البعض الآخر لكن انا مقتنع فيها لان البنت اللي تبيك تعطيك اكثر من البنت اللي انت تبيها
الدرس الثالث: الكفالة وما ادراك ما الكفالة!!!!!!!!!!
لاتكفل احد لو كان اقرب الناس لك الا اذا كنت قادر على السداد مو شرط يكون الشخص اللي انت كافله ناكر للجميل او بخيل يمكن صديقك اللي انت كافله يفصل من عمله او يسجن ويوقف راتبه او يمرض لا سمح الله مرض يقعده عن العمل او يمكن يرفض السداد نذاله وقلة حياء فانت لاتلومه بل لم نفسك واللي يمر الحقوق المدنية يشوف الهوايل من معاملات الشكاوي وكلها كفالات ولنا في اللاعب الهلالي السابق عادل عبد الرحيم عبره وعظة
الدرس الرابع : الولد سر ابيه!!!!!!!!!!!
ياجماعة الولد الصغير مقلد لابيه بدرجة كبيرة جدا خصوصا اللي عمره اربع او خمس سنوات لاتكذب امامه ولاتتكلم بالفاظ بذيئة وهو موجود ولاتتشاجر انت والمدام قدامه يروح يعلم أي واحد يشوفه ومو شرط شجار حتى لو ملاطفة او معاطفة او حركات حميمية قدامه روحو لغرفتكم وسو اللي تبون اما وهو موجود مستحيل
مره انعزمت المغرب على وليمه قلت مايمدي اروح للصالون نضبط السكسوكة رحت وشريت شفرات وجل حلاقة وضبطت نفسي بنفسي رجعت للبيت الساعة 11 لقيت الولد مشرح وجهه ليه كان يراقبني وش اسوي بالشفرات وحب يقلد
فيه دروس كثيرة لكن نبي نعطي فرصة للشباب يكتبون عن تجاربهم في الحياة
ولنا عودة
المواضيع المتشابهه 
العرض العادي
