السلام عليكم
مدري من وين ابدأ وكيف انا في وضع سيء جدا ماتوصفه الكلمات
انا عشت قصة حب مع وحدة تعرفت عليها بالصدفة... كانت نيتي والحمد لله غير النوايا الشيطانية مع الايام تعلقت بالبنت وحبيتها والسبب لاني قمت اتكلم معاها وعرفت اسلوبها وتصرفاتها وفهمها وحسيتها تناسبني واعترفت لها بحبي وكنت احسها متعلقة فيني شوي خصوصا انها عرفتني وشافتني ومع هذا قلت لها ان حن الان في وضع مانعرف وش نهايته يعني لا تتعلقيني فيني انا مااضمن لك ان حن نتزوج ومع مرور الايام تعلقت فيني البنت اكثر وانا كل مرة اعيد عليها نفس الموضوع وخلاص لا تتعلقين فيني اكثر انا ممكن اقطع علاقتنا لو تبين بس مابيك تتعلقين فيني انا للحين ماوعدك بشيء ولكن البنت خلاص دخل الحب وسيطر على قلبها وصارت ماتبي غيري .. وبعدين شفتها في مكان عام مع اهلها وحسيت شي يجذبني لها اكثر واكثر وبعد فترة قلت لها انا ابي احدد مصيري وياك ومابي اضيع عمري وعمرك على الفاضي انا ابي اعرف انتي كيف شكلك عشان اقولك تناسبيني او لا انا من حقي اشوفك او اني مستعد اصبر واكلم اهلي ونروح بيتكم واشوفك نظرة شرعية بس في هالوقت انا لازم اقطع علاقتي وياك.
طبعا هالشي من صالحها قبل لا يكون من صالحي لانها لو قطعت علاقتي وياها وبعدين ماكتب لنا الله نصيب بكون ماضيعتها وأملتها ... وهذا اكبر دليل على حبي لها
هي بحكم انها ماتقدر تعيش بدوني وافقت على طلبي وارسلت لي صورتها وشفتها وانعجبت فيها
مرت الايام وكلمت اهلي وقلت لهم اني ابيها ولكن انصدمت بردة فعلة اهلي
كلهم عارضوني
كلهم قالو لا
كل واحد ابدى رأيه بشكل
... بس بالاخير انا ضعت خلاص تشتت خصوصا اني احبها وشفتها ومع ذلك اسمع كلام من اهلي وغير ان اهلي وصفوها لي بشكل انا ماشفتها فيه يعني ابدا ابدا ضعتتتت
وبالاخير جاني الرفض الاقوى من ابوي
انا خلاص حسيت بصدمة كبيرة وبفقدان امل كبيييير
بس انا جلست افكر بعقل يعني ماله داعي اضيع البنت معاي هي لساتها صغيرة وقدامها المستقبل مشرق
كلمت البنت وانصدمت صدمة قوية وجلست يومين اهدي فيها ووضعها ماتغير والبنت خلاص قالت انا ماراح اواصل حياتي وابي اموت ومدري ايش
طبعا اي رجال راح يحس بمشاعري بهالوقت... انا ضعت بين نارين... ماابي اتزوج وحدة اهلي رافضينها لان رفض الاب والام يعني عدم التوفيق... وبنفس الوقت البنت ماتبي تتزوج غيري ورغم اني نصحتها من قبل لا تكون علاقة قوية الا اني الحين ادفع ثمن شي انا مابغيته يصير
بس انا مالمتها وجلست اخفف عليها ووعدتها اني ابقى معاها الى ان يتغير حالها ولكن البنت مصرة على رايها
في هاللحظة حسيت نفسي مجبوووور اخذها.. يعني حسيت لا اهلي راضي ومن رفض اهلي ومن كلامها حسيت ان هالحب راحت حلاوته
واحترت وجلست افكر واحاول مع اهلي وبكل صراحة كانت محاولاتي عشان ماتضيع البنت من بعدي.. والا هالشي مرفوض من اهلي وبداخلي
الحب ماتغير ولا نقض ولا شي بس مو كل شي يتمناه الانسان ياخذه
فقدت الامل خصوصا في المحاولات وياها انها تفتح عيونها وتصبر شوي الى ان الله يخفف عليّ وعليها ويهدينا الى الطريق الصحيح وكل واحد يواصل حياته
بس البنت رافضة تتقبل هالشي وتقولي انت روح وعيش حياتك سعيد وتزوج اما انا بظل كذا طول عمري
وانا مو قادر اخليها كذا انا احبها وقلت لها خلاص انتي كذا تحطمين حياتك وحياتي
انا من جد حااااااااااااائر ومو عارف كيف اتصرف
حاولت اكثر من مرة مع اهلي عساهم يرضون لسانا وقلبا ولكن للأسف كل محاولاتي فشلت
وحاولت اكثر من مرة اقنع هالبنت ان اللي صار صار وان هالشي ماراح يصير ولو صار بيكون بالاجبار وماله طعم ولا لذة ومافي فايدة
بالله عليك انصحوني انا كنت اتمنى الموت ولا انحط في موقف حرج مثل هالموقف
انصحوني عطوني حل اسويه انا مستحيييييل اعيش سعيد لو ماواصلت البنت حياتها واهلي فقدت الامل معاهم
ياليت ماتقصرون معاي بالنصائح
أنا ضعت ! 
العرض العادي
