يوميات تمساح عايش في الخليج وأحكي لكم وشلون حال الشباب الخليج وشلون عايش وكيف حياتهم اليوميه
نبدأ.........
عند الأستيقاظ من النوم أو الصلاة
في هالحاله التماسيح أنواع المرافس وتجي الوالده تقوم للصلاة وكأنها تحاكي السرير اللي نايم عليه أو الجدار اللي جنبه وأنواع القلق والأم ياحياتي بس قم الصلاة وهو بأحلامه ماأدري وين موديته هالأحلام وما علي لسانه ألا طيب.. أبقعد ألحين.. خلاص قلنا طيب.. خلاص أبقوم..........وأذا راحت أمه ورجعت وقالت له صليت قال أيه صليت وهو نصاب حتي ماتحرك من علي السرير وينام الين تجي أمه تقعده من النوم بيروح المدرسه أو الدوام ومايقعد إلا بعد طلعت الروح وتعالوا شوفوا الأشكال لما يقعدون من النوم الشعر ...يمي..(كأنه سكني) وليته ناعم ألا عراده (طبعاً نادراً جداً تلاقي تمساح خليجي شعره ناعم) ويقوم يلبس الثوب حتي مايغسل وجهه (يقطع أم القرف)وشوفوا الغرفه بعد مايطلع ريحتها تسد النفس وكل الملابس في الأرض والدولاب نظيف مافيه شي لأن الملابس ماعمرها دخلت الدولاب وتلاقي في كل ركن بالغرفه معلق له ثوب..شماغ ..بنطلون..تي شيرت علي باب الدولاب علي الشباك علي السرير في كل مكان يخطر ببالك.
بعدها ينزل ويلاقي أمه أو أبوه ويسلم من طرف خشمه كأنه هو اللي يصرف عليه(الله على الأخلاق)
** عند الذهاب الي المدرسه أو الدوام**
طبعاً الأخ تمساح طلع من البيت داق اللطمه وماله خلق يكلم أحد وداعس بالسياره ويجي واحد يمشي بشويش مسكين معاه عياله يوديهم لمدارسهم وتعال شوف أنواع السب والشتم عشان مومسرع مثل خوينا التمساح(مستعجل اللي يشوفه يقول الأول علي المدرسه أو حاطينه مدير عام) اللا يبي يروح يكمل النوم علي الطاوله أو علي المكتب.
ولما يوقف عند الأشاره أنواع التأفيف والسب وتفتح الأشاره واسمع البواري أمش
يابن ال...........
ياحول كأن الشارع شارع أبوه ولم يوصل للمكان شغله يمر ولايسلم ولاكأنه يعرف أحد وكأنه عايش بها العالم بلحاله(مساكين يالتماسيح الله يعينكم علي أخلاقكم الخايسه).خخخخخخخخخخ
طبعاً لما يوصل الدوام أو المدرسه يحط راسه علي الطاوله وتبدأ أحلامه من جديد إلين مايحس إلا المسطره منكسره علي ظهره وأنواع التهزىء.........................
وفي الأخير جيب ولي أمرك................************مالي شغل.هم قالوا موأنا
**عند العوده من المدرسه أوالدوام **
طبعاً الأخلاق منتهيه وخاصه لما يكون الجو حار مع الأخلاق ياسلام....حدث ولاحرج
المهم لما يوصل للبيت يدخل ويسلم هنا فيه مصلحه وهي أنه جوعان وبطنه فاضي وده يسد هالكرشه وماهو فاضي للحكي الفاضي.. طبعا ً يدخل ينطل شماغه عند الباب والزبيريه كل وحده في جهه(طبعاً هذي لبس الشباب المفضل ومستحيل يتطورون ويلبسون جزم مثل الخلق الفاهمين) وأنتم بكرامه..نلقاها بالسياره والثوب ناطله عند الدرج عشان بس يبي يعبي كرشته.
أكل الأخ الين شبع وأنسدح مكانه وجاء وقت الصلاة... وهنا ......... تبدأ المعاناة.... وتعرفون الباقي
ههههههههههههههههه
ههههههههههههههههه
ههههههههههههههه
بطني بطني يالله عليكم وش نقوووووووووووووووووووول تماسيح
** وقت العصريه والمغربيه**
هذا الوقت طبعاًالموظفين من التماسيح نايمين وحتي العاطلين لأن ماعندهم واجبات يحلونها أما الطلاب أنواع المطامر في الشوارع والحواري(هم ليه طالعين بياخذ من خويه واجب أو دفتر) أو يلعبون كوره في الشارع(ودي أعرف بس مايحلالهم اللعب الا في الشارع والأراضي الفاضيه مليانه) وعلي هالحاله الين المغرب ويرجعون الي بيوتهم بعد ما طلعوا اللي في راسهم...وراجعين وهم جوعانين ويأتي وقت العشاء.....
** بعد العشاء وقت السهره والدجه بالشوارع**
بعد مايترس التمساح كرشته يدور له علي طلعه أكيد بعد العشاء روق الأخ تمساح والربع مقلقين أبو جده.... وينك...بسرعه... نحتريك...لايفوتك... وكلها نصب في نصب وشركة الأتصالات تربح من هالتماسيح وشوفوا لما يروحون للربع الأبتسامه شاقه الفم عرض وطول وصاكه من الأذن الي الأذن وبالبيت ماد بوزه عشر أشبار..
وهاتك بلوت وسجاير ومعسل وشيشه وتلفزيون هذا طبعاًإذا كانوا بأستراحه أما أذا كان مهايت بالشوارع الأغاني علي أخر صوت ومشغلين أجنبي (شاكيرا....أو أوشار مدري أشير اللي هوه...وأمنم ومن هاشله)وهذا ماي فيس أذا هم فاهمين شئ بس مشخره علي الفاضي .....
وعلي هالحال الين الساعه ثلاث الفجر وبعدها يرجعون للبيت ومابقي عالصلاة ألا ساعه ويحط راسه وينام بدون مايغير حتي ملابسه او يفكر يرتب فراشه..............
وهاهي يوميات تمساح تبدأ من جديد
وهم علي هالحال دايم................
وش رايكم يالبنوتات في يومياتهم والله مقرفينا في كل مكان
هههههههه
يوميات تمساااااااااااااااااااااااح 
العرض العادي
