انورت كل الرياض .. واشرقت شمسـه عشيـه
مع قدوم اغلى الحبايـب انقلـب ليلـي صبـاح
انكسر وجـه الليالي..واستشـف النـور ضيـه
شوف عيني يوم نـوره فـوق كبـد الليـل لاح
مالمحت الا جبينه .. وآشهد ان الشمـس حيـه
كل شي(ن) من جبينـه آنبلـج والديـك صـاح
مع قدومـه استهلـت وآمطـرت نجـد العذيـه
وآزهرت كل المدينه .. وارتوى الشارع قـراح
الله اكبر.. يوم جتنـي بنـت حـواء مزهريـه
عنبر 0 ونرجس 0 وكادي 0 اختلط والمسك فاح
غرد البلبل بصوته.. ونـاح صـوت الراعبيـه
والخفوق اللي هواها .. من ورى الاضلاع ناح
جات تمشي في غرور(ن) مختلط بـه عنجهيـه
كنهـا مشيـة حمامـه .. مارزقهـا الله جنـاح
مع خطاها ..كل خطوه..ترتكـب ميـة خطيـه
آسالوا !! فستانها اللي فوق خصره ما آستـراح
عودها المبري ذبحني..وردة(ن) حمراء ونديـه
غصن بان(ن) قام يلعب مـع ذعاذيـع الريـاح
لو درى قيس الملوح... كان" شـات " العامريـه
ولو درى عنتر زمانه .. خان عبلـه وأستـراح
ياعذابي يـوم شفتـه وسـط بـرج الفيصليـه
من جماله طار عقلي .. قلت اكيد البـرج طـاح
دارت الدنيا بعينـي..و آرتفـع ضغطـي عليـه
وطحت دايخ في مكاني.. يمكن اشعـر بأرتيـاح
قالت : الله لايظرك .!!. ماصدر مني آذيـه..!!
قلت : لاواله عيونـك .. يابعـد عينـي سـلاح
قالت : اصلاً من جمالـك..!! ياقليـل الجاذبيـه
هو صحيح انك تجنن ... بس انا سـت المـلاح
قلت : من يمدح جماله **** قـرد اصـلاً ياغبيـه
فرصتي .. اطعن حشاها .. بكم كلمه وإصطلاح
قالـت : الله لايبيحـك .. هـذي بحقـي قويـه
واصرخت تبكي وتنعي ... وكحلها بالخد سـاح
قلت طيب سامحيني .. واجلسي عنـدي شويـه
آوعدك .. ارضي غرورك .. هذا افضل اقتراح
انحنت يمي ومالت .. وسحبـت معصـم يديـه
وأنحني كل الشمـوخ .. وآختلـط ورد ولقـاح
هذا اخر شيء اعرفه .. قبـل ليـل الاجوديـه
آنطفت كل المدينـه .. مابقـى بالكـون ضـاح
رحت افتش في سواده .. وصارت النيه مطيـه
علمتني كيف اقاوم .. وكيـف معنـى الاجتيـاح
ماوعيت الاهدبهـا ..يستبيـح الظلـم فيـه ..!!
لدت بخرس النواظر ... قالت ان الوقـت بـاح
قالت الله لايهينـك .. ادفـن اسـرار الوصيـه
راحت وسري معاها ... ياعساهـا " للريـاح "
قلت لحظه لو سمحتي .. ياغبيه..!! ياغبيـه..!!
كنت ابيهـا طعنتيـن ... بـس لاذت بالنجـاح
من بعدها ياعذابـي ... حسرتـي بالقلـب نيـه
يشتكي ليلي عيونـي .. وخافقـي بالـدم فـاح
ادمت بقلبي جـروح(ن)... كنهـا مقلـع طميـه
هي عذابي . هي جروحي. هي دواء كل الجراح
لاحشاء .. من دم يوسف ياعرب ..ماهي بريـه
دم ثوبه مـن سببهـا ... وأطلـب الله السمـاح
هذي هي كل الحكايه .. واخر اسرار القضيـه.
كل ما أذكر عيونه ... احلف.. ان البرج طـاح
للشاعر محمد العضيانى العتيبى................... على ذمة الراوي
الفتاة التي أسقطت برج الفيصلية 
العرض العادي
